“Barselona” “Las Palmas”ın qapıçısı Alvaro Vallesi transfer etməkdə maraqlıdır.
İdmanxeber.az-ın məlumatına görə, sövdələşmə qış transfer pəncərəsində baş tuta bilər. Valles yayda komandadan ayrılmağı planlaşdırsa da, heç bir klubla razılığa gələ bilməyib.
Xatırladaq ki, “Barselona”nın əsas qapıçısı Mark-Andre ter Ştegen La Liqanın 6-cı turunda “Vilyarreal”la oyunda (5:1) ciddi zədə alıb. Qapıçı meydançadan xərəkdə aparılıb.
Onun təxminən 8 ay yaşıl meydanlardan uzaq qalacağı bildirilir.