“Sumqayıt”ın futbolçusu Nihad Əhmədzadə karyerasını başqa komandada davam etdirə bilər.
İdmanxeber.az-ın əldə etdiyi məlumata görə, Premyer Liqaya vəsiqə qazanan “İmişli” futbolçunun xidmətində maraqlıdı. Bölgə təmsilçisi U-21 millimizdə də çıxış edən 18 yaşlı futbolçunu heyətinə qatmaq istəyir və bunun üçün də danışıqlar davam etdirilir.
Bu ilin avqustun 1-də “Sumqayıt”la müqaviləsi başa çatacaq yarımmüdafiəçi “İmişli” variantı üzərində götür-qoy edir. Tərəflər maliyyə məsələsində razılaşa bilsə, Nihad Əhmədzadəni yeni mövsümdə “İmişli” klubunun heyətində görə biləcəyik.