Avropa Liqası I təsnifat mərhələsi çərçivəsində baş tutacaq “Qarabağ” – “Vestri” oyununun biletləri sabah saat 15:00-dan etibarən satışda olacaq.
İdmanxeber.az-ın məlumatına görə, Tofiq Bəhramov adına Respublika stadionunda keçiriləcək görüşün bilet qiymətləri belədir:
Standart biletlərin qiymətləri:
5, 10, 15 və 20 AZN
VIP sektorlar: 50, 75 və 100 AZN
VVIP sektorlar: 150 AZN
Qeyd: VIP sektora bilet əldə etmiş azarkeşlər üçün həmin zonada çay süfrəsi təqdim olunacaq.
Biletləri yalnız iTicket.az-ın rəsmi saytı və mobil tətbiqi vasitəsilə əldə edə bilərsiniz.
Onlayn bilet alışı zamanı çətinlik yaranarsa, azarkeşlər iTicket.az-ın satış məntəqələrinə, Park Bulvardakı “Qarabağ” FK Fan Şopuna və Tofiq Bəhramov adına Respublika stadionunun kassalarına müraciət edə bilərlər.
Xatırladaq ki, görüş iyulun 9-da Bakıda keçiriləcək. Tofiq Bəhramov adına Respublika Stadionunda oynanılacaq matç saat 20:00-da başlayacaq.