Azərbaycan Kubokunda yarımfinal oyunlarını izləyən azarkeşlərin sayı məlum olub.
İdmanxeber.az-ın məlumatına görə, “Qarabağ”ın Tofiq Bəhramov adına Respublika Stadionunda “Araz Naxçıvan”ı qəbul etdiyi matçı tribunlardan 1300 tamaşaçı izləyib. Ağdam klubu görüşdən 3:0 hesabı ilə qalib ayrılaraq finala vəsiqə qazanıb.
“Bank Respublika Arena”da baş tutan “Sabah” – “Neftçi” görüşünə isə maraq böyük olub. Matçı 6600 tamaşaçı izləyib.
İlk matçda səfərdə rəqibini məğlub edən “bayquşlar” (2:1), cavab görüşündə heç-heçə edərək (1:1) finalda “Qarabağ”la üz-üzə gələcək.
Xatırladaq ki, “Qarabağ”la “Sabah” arasında keçiriləcək final qarşılaşması mayın 31-də, Mehdi Hüseynzadə adına Sumqayıt şəhər stadionunda baş tutacaq.