“Bavariya”nın sabiq müdafiəçisi Dante Münhen klubuna qayıdır.
İdmanxeber.az-ın məlumatına görə, braziliyalı bu dəfə komandada məşqçi kimi fəaliyyət göstərəcək.
42 yaşlı mütəxəssis U-23 komandasının baş məşqçisi olacaq və yayda futbolçu karyerasını başa vurduqdan sonra işə başlayacaq.
Dante 2012–2015-ci illərdə “Bavariya”da çıxış edib, hazırda isə “Nitsa”nın formasını geyinir.