“Biz bu güclü rəqibə qarşı oynadıq. Bizim bəxtimiz gətirdi. Onlar bizdən daha yaxşı futbol oynadı. Qurban Qurbanov möhtəşəm komanda yığıb. Mənim komandamın bəxti gətirdi və biz evə 1 xalla qayıdırıq”.
İdmanxeber.az-ın məlumatına görə, bu sözləri “Frayburq”un baş məşqçisi Kristian Ştrayx “Qarabağ”a qarşı keçirdikləri UEFA Avropa Liqasının qrup mərhələsinin sonuncu turunun oyunundan (1:1) sonra deyib.
Heç-heçəni şərh edən mütəxəssis daha sonra bunları deyib:
“Mən Avroliqada “Qarabağ”ın oyunlarını izləmişəm. Onların bəxti gətirmədi. Bu komanda bu oyunla irəli gedə bilər”.
Çalışdırıcı “Qarabağ”a simpatiya bəslədiyini bildirib:
“Qarabağ”a, oynadığı oyuna simpatiyam var. Onlar da bizim kimi eyni sistemdə oynayırlar. Qurban Qurbanovun oyun stilinə heyranam. Vaxtım olduqca “Qarabağ”ın Konfrans Liqasındakı oyunlarını izləyəcəm”.