“Qalatasaray”ın italiyalı futbolçusu Nikolo Zaniolo karyerasını ölkəsində davam etdirə bilər.
İdmanxdeber.az “La Repubblica”ya istinadən xəbər verir ki, “Yuventus” oyunçunun xidmətində maraqlıdır. Hətta Turin klubunun Zaniolo ilə razılaşdığı bildirilir.
A Seriyası klubu İtaliya millisinin üzvü üçün İstanbul təmsilçisinə 25 milyon avro təzminat ödəməyə hazırdı. Tərəflər arasında danışıqların davam etdiyi bildirilir.
Xatırladaq ki, oyunçunun müqaviləsində 35 milyon avro qarşılığında sərbəst qalacağı vurğulanıb.