“Milan” heyətini yeni futbolçu ilə gücləndirmək niyyətindədir.
İdmanxeber.az “La Gazzetta dello Sport” nəşrinə istinadən xəbər verir ki, A Seriyası təmsilçisi yayda “Atletiko”nun hücumçusu Alvaro Moratanı transfer etmək niyyətindədir.
Futbolçu da yenidən İtaliyaya qayıtmağa müsbət yanaşır. Onun Madrid klubu ilə müqaviləsi 2024-cü ildə başa çatır.
Paytaxt təmsilçisi Moratanı 15-20 milyon avro qarşılığında sata biləcəyi vurğulanıb. Oyunçu cari mövsüm La Liqada 26 oyun keçirib və 10 qol vurub.
İspaniyalı hücumçu bir dönəm “Yuventus” klubunda çıxış edib.