Azərbaycan millisinin üzvü Eddi İsrafilov İspaniya Sequndasında klubunu dəyişib.
“Marca”nın yazdığına görə, Anqola əsilli futbolçu “Alkorkon”dan “Albasete”yə transfer olub. Kastiliya-La-Mança təmsilçisinin bu keçid üçün 1 milyon avro təzminat ödədiyi iddia edilir.
“Albasete” gün ərzində Eddinin keçidini rəsmən açıqlayacaq.
26 yaşlı yarımmüdafiəçi 2018-ci ildən “Alkorkon”da çıxış edirdi. Onun müqaviləsinin başa çatmasına bir il qalmışdı. Eddi ötən mövsüm Sequndada 29 oyuna (2347 dəqiqə) 1 qol vurub, 16 sarı vərəqə alıb.