UEFA Konfrans Liqasının 2-ci təsnifat mərhələsində keçiriləcək “Neftçi” – “Dinamo” (Minsk) oyununun hakimləri müəyyənləşib.
İdmanxeber.az-ın məlumatına görə, qarşılaşmanı Kiprdən olan FIFA referisi Konstantinos Fellas idarə edəcək. Yan xətt hakimləri Marios Kaloqirou və Giorgios Çaralampous, dördüncü hakim isə Konstantinos Neofytou olacaq.
İyulun 22-də “Palms Sports Arena”da keçiriləcək görüş saat 20:00-da başlayacaq. Komandalar arasında cavab matçı isə iyulun 30-da baş tutacaq.