“Vilyarreal”ın cinah oyunçusu Samuel Çukvuese karyerasını “Milan”da davam etdirməyə yaxındır.
İdmanxeber.az-ın məlumatına görə, 24 yaşlı hücumçu ilə 5 il müddətinə müqavilə imzalanacağı bildirilir.
Çukvuesenin “Villarreal” ilə müqaviləsi 2024-cü ilin iyununda başa çatır. Portal Transfermarkt oyunçunun dəyərini 25 milyon avro qiymətləndirir.
2022/23 mövsümündə futbolçu komandanın heyətində 42 oyuna çıxıb, 13 qol vurub və 11 məhsuldar ötürmə edib.