“Moskva “Dinamo”sunun azərbaycanlı futbolçusu Ülvi Babayev milli seçimindən danışıb.
İdmanxeber.az-ın məlumatına görə, yerli mətbuata danışan oyunçu Rusiya futbolunun hazırda təcrid vəziyyətində olmasına baxmayaraq, seçimindən peşman olmadığını bildirib:
“Rusiyada doğulmuşam və burada böyümüşəm. Ailəmə böyük hörmətim var, amma özümü bu ölkəyə aid hiss edirəm və seçimimi etmişəm”.
O, legioner statusu ilə bağlı ehtimalları isə nəzərə almadığını əlavə edib:
“Düzünü desəm, bu barədə heç düşünməmişəm. Yəni, legioner olsam, rəqabət çətinləşər kimi hesablamalar aparmamışam. Sadəcə olaraq özümü bu ölkəyə aid hiss etdiyim üçün bu addımı atmışam”.