PSJ rəhbərliyi hücumçu Kilian Mbappenin 2024-cü ildə “Real”a keçəcəyinə inanır.
İdmanxeber.az-ın məlumatına görə, klub futbolçunun növbəti müqaviləni qəbul edəcəyini düşünmür. 24 yaşlı hücumçu Paris klubu ilə 2024/25 mövsümü üçün müqavilənin uzadılması variantını aktivləşdirməyib.
O, 2024-cü ildə azad agent kimi komandanı tərk edə bilər. “Kral klubu” bu fürsətdən istifadə edib Mbappeni rənglərinə bağlamaq niyyətindədir.
Fransalı forvard bu mövsüm PSJ-nin heyətində bütün turnirlərdə 43 oyuna çıxıb, 41 qol vurub, 10 məhsuldar ötürmə edib.