“Aston Villa”nın hücumçusu Leon Beyli karyerasını İtaliyada davam etdirəcək.
İdmanxeber.az-ın məlumatına görə, yamaykalı futbolçu “Roma”ya icarə əsasında keçib. Müqavilədə Beylinin daimi transferi üçün də seçim hüququ nəzərdə tutulub.
Razılaşmaya əsasən, “Roma” icarə üçün 3 milyon avro ödəyəcək, futbolçunu tam transfer etmək istəsə, əlavə 22 milyon avro xərcləyəcək.
28 yaşlı forvard ötən mövsüm İngiltərə Premyer Liqasında 24 oyunda meydana çıxıb, 1 qola və 2 assistə imza atıb.