“Neftçi”dən ayrılan Höccət Haqverdi karyerasını Azərbaycanda davam etdirə bilər.
İdmanxeber.az-a verilən məlumata görə, futbolçu “Turan Tovuz”un gündəmindədir. Tovuz təmsilçisi müdafiəçini heyətinə qatmaqda maraqlıdır.
Baş məşqçi Kurban Berdiyevin bu mövqeyə oyunçu tələb etməsi rəhbərliyi hərəkətə keçirib. Tovuz klubu H.Haqverdinin yerli statusunda olmasını əlavə üstünlük hesab edir.
Xatırladaq ki, 32 yaşlı müdafiəçi 2023-cü ildən “Neftçi”də çıxış edir. O, ötən mövsüm “ağ-qaralar”ın heyətində bütün turnirlərdə 30 oyun keçirib.