Premyer Liqamızın debütantı “Sabah” təlim-məşq toplanışı üçün Türkiyəyə yollanıb.
İdmanxeber.az-ın klubun rəsmi “Feysbuk” səhifəsinə istinadən yaydığı xəbərə görə, bu gün səhər saatlarında Bakıdan çarter reysi ilə Antalyaya yola düşən komanda yerli vaxtla saat 11:00-da mənzil başına çatıb.
Xatırladaq ki, “Sabah” Antalya toplanışı yanvarın 23-dək davam edəcək. Komanda bu müddət ərzində 4 yoxlama görüşündə qüvvəsini sınayacaq.