Albaniyanın “Partizani” klubunda çıxış edən Vüsal İsgəndərli karyerasını Türkiyədə davam etdirə bilər.
İdmanxeber.az “Vanspor Dijital”a istinadən xəbər verir ki, “Vanspor” futbolçu ilə maraqlanır. I Liqa təmsilçisi millimizin üzvü ilə yaxın günlərdə danışıq aparmaq istəyir.
Vüsal İsgəndərli 2025-ci ilin yayından “Partizani”də çıxış edir. O, Albaniya təmsilçisinin heyətində meydana çıxdığı 35 rəsmi matçda 6 qol və 3 məhsuldar ötürmə ilə yadda qalıb.