Topaz Premyer Liqasının XII turunun son oyununda “Qəbələ” “İnter”u qəbul edib.
İdmanxeber.com-un məlumatına görə, meydan sahiblərinin baş məşqçisi Roman Qriqorçuk oyundan sonra keçiriıən mətbuat konfransında jurnalistlərin suallarını cavablandırıb:
– Uzun müddətdi qələbənin olmamasını bilmək üçün bütün oyunları ayrlıqda araşdırmaq lazımdı. Əvvəlki oyunlar haqda danışmışdıq. “Borussiya” məğlubiyyəti ilə bu oyunu bir tutmaq olmaz. Deyə bilmərəm ki, bu gün oynadığımız matçda qələbəyə tam layiq idik. Amma yenə də, bu gün bir xeyli qol epizodu yaratdıq. Bizdə aqressivlik çatışmadı. “İnter” çox gözəl komandadı. Heç-heçə oynamağımız böyük problem olmamalıdı. Rəqib gözəl təşkil olunmuş komandadı.
– Şayələr gəzir ki, siz Ukrayna yığmasına başçılıq edə bilərsiz. Siz isə bu iddiaya cavab verməmisiniz. Uğursuz bununla ağlıdırmı?
– Bilsəm ki, bu komandadan sabah gedirəm, amma bu gün burdayamsa bütün qəlbimi hazırki komandaya verməyə hazıram.
– “Borussiya” ilə oyundan sonra komandada bir qədər yorğunluq var idi. Yenə eyni futbolçularla oynamaq əvəzinə digərlərinə şans vermək olmazdımı?
– Düşünürəm ki, biz nə etdiksə düzgün etmişik. Burada problem görmürəm. Bütün oyunlardan öncə biz heyəti müəyyən edərkən həkim personalından, futbolçulardan ümumi məsələhət alırıq. Belə heyəti buraxdığıma peşman deyiləm.
– Komandanın əvəzediciləri hazırda birinci yerdə gedir. “Qəbələ”yə əvəzedciilərdən yeni futbolçuların cəlb olunması mümkündürmü?
– Bizdə rotasiya hər oyun olur. Həm avrokuboklarda, həm də premyre liqada. Əvəzedici komanda oyunçularla həmişə maraqlanırıq. Sadəcə son oyunlardaki sıx qrafik buna imkan vermir. Normalda əvəzedici məşqçilərə müzakirə aparırıq. Hazırda da heyətdə bir xeyli cavan oyunçular var.