Yarandığı gündən bir çox yeniliyə imza atan “CBC Sport” yenə ənənəsinə sadiq qalıb.
Idmanxeber.com-un məlumatına görə, dünən telekanalın efirində yeni veriliş tamaşaçılara təqdim olunub. “O2” (oksigenin formulu) adlanan verilişin aparıcıları “Qızıl top” mukafatının münsiflər heyətinin üzvü, “CBC Sport”un redaktoru Ramin Mövsümzadə və Əminə Kazımovadır. Əminə həm də “İmza” verilişinin müəllifi və aparıcısıdır.
Verilişdə idman həvəskarları, müxtəlif idman növləri haqda maraqlı sujetlər yer alır. “O2” həftənin 4-cü günləri efirdə olacaq. İdman həvəskarları bu maraqlı verilişə cümə axşamları saat 21:30-dan etibarən baxa bilərlər. Verilişin ilk buraxılışının tam videosunu təqdim edirik.