PSJ-nin hücumçusu Kilian Mbappenin durmuna aydınlıq gəlib.
İdmanxeber.az-ın məlumatına görə, fransalı forvard Çempionlar Liqasının 1/8 final mərhələsinin ilk oyununda bu gün “Bavariya”ya qarşı görüşdə əsas heyətdə olmayacaq. Mbappenin ehtiyat skamyasında olacağı bildirilir.
Mənbə yazır ki, ulduz futbolçu matçın son 15-20 dəqiqəsində forma geyinə bilər. Yekun qərarın Paris təmsilçisinin baş məşqçisi Kristof Qaltyedə olduğu vurğulanıb.
PSJ – “Bavariya” matçı bu gecə saat 00:00-da başlayacaq.