Yiğmaların oyunları ilə əlaqədar Premyer Liqada yaranmış fasilədən istifadə edən “Rəvan” bu gün yoxlama oyunu keçirdi. Daha doğrusu, əsas komanda əvəzedicilərlə qarşılaşdı.
Hər biri 25 dəqiqədən ibarət 3 hissəlik görüşdə əsas komanda 2:0 hesabı ilə qələbə qazandı. Qolları Xuan Manuel Varea və Elnur Abdulov vurdu. Qeyd edək ki, bu oyunda əsas komandada zədəli futbolçulardan – Tofiq Mikayılov və Elvin Həsənəliyevdən başqa, hamı forma geymək şansı qazandı.
Onu da əlavə edək ki, sabah istarahət edəcək futbolçular ayın 19-dan “Qarabağ”la matçın hazırlıqlarına başlayacaq. Topaz Premyer Liqasının 14-cü turu çərçivəsində keçiriləcək “Qarabağ” – “Rəvan” matçının noyabrın 24-ü saat 17:00-da Tofiq Bəhrəmov adına Respublika stadionunda başlayacağını da bildirək.