“Oyuna heç də yaxşı başlamadıq. Oyun ərzində müdafiəyə meyilli oynadıq. Ancaq məqsədimiz bu deyildi. Səbəbini araşdıracağıq. Qol buraxandan sonra hücuma atıldıq”.
İdmanxeber.az-ın məlumatına görə, bu sözləri Misli Premyer Liqasının 14-cü turunda “Zirə”yə məğlub olan (0:1) “Səbail”in baş məşqçisi Mahmud Qurbanov deyib.
Qurbanov futbolçularının müdafiəyə meyilli oynamasına da toxunub:
“Dünyanın sonu deyil. Biz çalışacağıq ki, nəticələrimizi yaxşılaşdıraq. Vingerlərə ehtiyacımız var. Çalışacağıq ki, bunu yoluna qoyaq. Qarşıdakı matç “Neftçi” ilə oynayacağıq. Digər matçlara necə hazırlaşmışıqsa bunu da elə hazırlaşacağıq”.