“Müdafiədən bütün gücümüzdə istifadə etməli olduq. Sərt rəqibə qarşı oynadıq”
İdmanxeber.az-ın məlumatına görə, bu sözləri “Ferentsvaroş”un futbolçusu Frank Boli Bakıda “Qarabağ”la ilk görüşündən sonra deyib.
Komandasının qolunu vuran 29 yaşlı hücumçu evdə azarkeşlərinin önündə oynayacaqlarını üstünlük olacağını da bildirib: “Baş məşqçi mənə sağ cinahda mərkəzə yardımçı olmağı dedi. Mən də bu təlimatlara əməl etdim”.
Frank Boli “Qarabağ”la görüşün 17-ci dəqiqəsində hesabı açıb. 34-cü dəqiqədə isə Ovusu Kvabena bərabərlik qolunu vurub. Cavab matçı avqustun 9-da keçiriləcək.