“Arsenal”da növbəti ayrılıq reallaşıb.
İdmanxeber.az-ın məlumatına görə, London klubu futbolusu Aleksandr Lakazett ilə yollarını ayırıb.
32 yaşlı hücumçunun iyunun sonlarında başa çatacaq müqaviləsi uzadılmayıb. Fransalı oyunçu komandanı azad agent qismində tərk edəcək.
Lakazett 2017-ci ildən “topçular”ın formasını geyinib. Forvard meydanda çıxdığı 206 matçda 71 qola imza atıb. Onun Fransa “Lion”una keçəcəyi gözlənilir.