“Səbail” heyətini yeni futbolçu ilə gücləndirib.
İdmanxeber.az klubun rəsmi saytına istinadən xəbər verir ki, paytaxt təmsilçisi argentinalı yarımmüdafiəçi Franko Mazureki transfer edib.
29 yaşlı futbolçu ilə 1 illik müqavilə imzalanıb.
Qeyd edək ki, Mazurek Argentinada “Boka Xuniors”, “Oll Boyz”, Bolqarıstanda “Levski” (Sofiya) komandalarında oynayıb. Son olaraq Kiprin “Etnikos” klubunda çıxış edən vinger, Yunanıstanın “Panetolikos” klubunda da oynayıb.