Karlo Ançelotti təqvimin sıxlığından şikayət edib.
İdmanxeber.az-ın məlumatına görə, italiyalı mütəxəssis tez-tez oynamaqdan narazılıq edib. O, oyunçuların çox yorulduğunu bildirib:
“Bu, çətin mövsümdür, çoxlu matçlar var. “Real”ın 15 oyunçusunun iştirak etdiyi dünya çempionatı, daha sonra Səudiyyə Ərəbistanında İspaniya Superkuboku, fevralda Mərakeşdə Klublararası Dünya Çempionatı oldu.
Dekabrın 30-dan martın 20-dək üç gündən bir oynayırdıq. “Barselona” kimi sabitliyə nail ola bilməmişik. Təqvim absurddur və bununla bağlı da nəsə etmək lazımdır”.