Növbəti mövsüm Premyer Liqada mübarizə aparacaq “Araz Naxçıvan” transfer çalışmalarını davam etdirir.
İdmanxeber.az-ın əldə etdiyi məlumata görə, Naxçıvan klubu Belçika I liqa təmsilçisi “RVD Molenbek”in oyunçusu Numan Kurdiçlə anlaşıb. 24 yaşlı müdafiəçi ilə 1 illik müqavilə imzalanıb.
2021-ci ildə Bosniya Hersoqovina millisinə dəvət alan oyunçu yığmada bir oyun keçirib. O, 2022-ci ildə Serbiyanın “Novi Plazar” klubundan Belçika təmsilçisinə keçib.
Transferin yaxın zamanda rəsmən açıqlanması gözlənilir.