“Barselona”nın müdafiəçisi Markos Alonso klubu tərk etməyəcək.
İdmanxeber.az-ın məlumatına görə, komandanın baş məşqçisi Xavi oyunçunun xidmətindən məmnundur. Futbolçunun özü də yeni klub axtarmaq istəmir.
“Barselona” hələ də yeni mövsüm üçün oyunçunu qeydiyyatdan keçirməyib.
32 yaşlı ispaniyalı keçən yay “Çelsi”dən pulsuz olaraq “Barselona”ya keçib. Futbolçunun müqaviləsi 2024-cü ilin yayına kimi nəzərdə tutulub.
Alonso ötən mövsüm La Liqada 24 oyuna çıxıb, 1 qol vurub.