Belçika yığmasının futbolçusu Leandro Trossard Azərbaycan komandasına 1:0 hesabı ilə qalib gəldikləri oyun barədə danışıb.
İdmanxeber.az-ın məlumatına görə, 29 yaşlı vinger Estoniyaya 5 cavabsız qolla qalib gəldikləri dünənki matçı xüsusi vurğulayıb:
“Azərbaycandakı şərait bizim kimi texnikalı komandanın oyununu çox çətinləşdirdi. Biz göstərdik ki, yaxşı meydanda futbol oynaya və çox qol vura bilərik. Qələbələr sayəsində final mərhələsinə daha da yaxınlaşdıq”.
O, baş məşqçiləri Domeniko Tedesko haqqında da danışıb: “Mən onun etimadını hiss edirəm. Tedesko Azərbaycana qarşı yaxşı çıxış etdiyimi söylədi”.