“Araz Naxçıvan”nın futbolçusu Tural Bayramlı “Səbail” klubundan AFFA-ya şikayət edib (“futbol+”).
O, buna səbəb kimi sabiq klubu “dənizçilər”in müqavilə şərtlərini yerinə yetirməməsini göstərib. Məsələ ilə bağlı Bakı təmsilçisinin mətbuat xidmətinin rəhbəri Rəşad Məmmədovla əlaqə saxladıq. O, iddialara belə cavab verdi:
“Məlumatımız var ki, sabiq futbolçumuz Tural Bayramlı AFFA-nın müvafiq qurumuna müraciət edib. Məsələyə bu yaxınlarda Oyunçuların Statusu və Transfer Komitəsində baxılacaq. AFFA-nın qərarından öncə bu məsələ ilə bağlı hər hansı bir şərh vermək istəmirik”.