“Hesab bizi aldatmasın. Çətin oyun oldu. Meydançanın ideal olmaması topa nəzarətdə problem yaradırdı. Əlimizdə düşən fürsətlərdən istifadə etdik”.
İdmanxeber.az-ın məlumatına görə, bu sözləri “Səbail”in baş məşqçisi Şahin Diniyev “Kəpəz” qələbəsi sonrası deyib. O, daha sonra belə davam edib:
“Bir neçə qol epizodumuz da var idi. Amma inanın, ən çətin oyunlarımızdan birini keçirdik. İlk hissədə mənim istədiyim futbolu oynaya bilmədik. Artıq komandanın oyunun var, həm də nəticəyə oynaya bilirik. “Kəpəz”ə qol epizodu vermədik. Müdafiədə etibarlı oynadıq, hücumda kreativ oynamağa çalışdıq. Qələbəyə layiq idik. Matçdan əvvəlki analizlərimizdə bizi çətin oyunun gözlədiyini düşünürdük. “Kəpəz”in cinahlarını bağladıq, Abdullah Şuaybunun sürətini söndürə bildik”.