“Tez vurulan qol oyunun dəyişməsinə gətirib çıxardı. Amma bəzən bu, komanda üçün təhlükəli olur. Çünki hesabı tez açanda rahatlıq yarana, rəqib asan görünə bilər. Ancaq biz bütün oyun boyu yaxşı göstəricini qoruyub saxlaya bildik”.
İdmanxeber.az-ın məlumatına görə, bu sözləri “Qarabağ”ın futbolçusu Leandro Andrade “Hekken” görüşü sonrası deyib. O, daha sonra belə davam edib:
Birinci hissənin sonunda qol vurmaq böyük üstünlükdür,. Artıq paltardəyişmə otağına gedib, taktikaları müzakirə edəndə nə etməli olduğunu bilirsən. Bizim tarix yazmağımız isə mənim üçün hələ də ağılasığmazdır. Bunun bir hissəsi olmağıma görə qürur duyuram. Bütün həyatım boyu bunu yada salacağam”.
Andrade pley-offda qarşılaşmaq istədiyi komandaları da qeyd edib: “Mən həmin anı maksimum yaşamağa çalışıram, çünki bizim üçün yeni bir hissdir. Növbəti mərhələdə bütün rəqiblər bizim üçün çətin olacaq. Çünki hamısı böyük klublardır. Ancaq istərdim ki, Portuqaliya komandalardan biri olsun. Çünki mən orada böyüyüb başa çatmışam”.