Nigeriyalı hücumçu Viktor Osimhen daha bir klubun maraq dairəsindədir.
İdmanxeber.az-ın məlumatına görə, futbolçu Səudiyyə Ərəbistanına yollana bilər. “Əl-Hilal” nigeriyalı forvardın xidmətində maraqlıdır.
Ərəblər Osimhenə 3 illik müqavilə üçün 120 milyon avro maaş təklif edib. 26 yaşlı hücumçu hələ ki qərarını verməyib.
Xatırladaq ki, oyunçu müqavilə ilə “Napoli”yə məxsusdur. O, mövsümü icarə əsasında “Qalatasaray”da keçirib.
Ulduz futbolçu Türkiyə klubunda 40 rəsmi matçda 36 qol və 8 məhsuldar ötürmə ilə yadda qalıb.