“Yuventus”un müdafiəçisi Federiko Qatti komandadan ayrılmayacaq.
İdmanxeber.az-ın məlumatına görə, futbolçuTurin klubu ilə uzunmüddətli müqavilə imzalayıb. Sözləşmənin müddəti 2030-cu ilin yayına qədər nəzərdə tutulub və oyunçunun illik maaşı bonuslar nəzərə alınmaqla 3,1 milyon avro civarında olacaq.
Qatti 3 il əvvəl “Frozinone”dən “Yuventus”a keçib. 27 yaşlı futbolçu son mövsümdə A Seriyasında 30 oyun keçirib və 1 qol vurub.