Azərbaycan II Liqası 25-ci turu çərçivəsində keçirilən “Füzuli” – “Kürmük Qax” oyununda VAR sistemindən istifadə edilib.
Cari mövsüm ilk dəfə bu çempionatda VAR-dan yararlanılmasının səbəbini soruşmaq üçün Peşəkar Futbol Liqasının mətbuat xidmətinin rəhbəri Sənan Abdullayevlə əlaqə saxladıq
O, İdmanxeber.az saytına bunları dedi:
“Ümumiyyətlə hər mövsümün sonunda VAR sertifikasiyasının alınması məqsədilə test oyunlar nəzərdə tutulur. 2-ci Liqadakı “Füzuli” – “Kürmük Qax” oyunu da bunlardan biri idi. Növbəti oyun Əvəzedicilər liqasından olacaq. XXXV turun “Səbail-2” – “Neftçi-2” qarşılaşmasında VAR sistemi tətbiq olunacaq. Ümumilikdə isə nə Əvəzedicilər liqasında, nə də II Liqada VAR sistemi tətbiq edilir”.
Həsən Quluzadə