“İlk demək istədiyim hər şeyə görə Tanrıya şükür etməkdir. Hər şeyə görə çox minnətdaram. Bu möhtəşəm ailəyə qoşulduğum üçün çox xoşbəxtəm”.
İdmanxeber.az-ın məlumatına görə, bu sözləri “Qarabağ”ın yeni transferi Renaldo Sefas sosial şəbəkə hesabında paylaşım edərək Ağdam təmsilçisinə keçidindən məmnunluğunu ifadə edib.
O, daha sonra belə davam edib:
“Klubdakı əməkdaşlara təşəkkür etmək istəyirəm. Onlar mənim burada özümü evimdəki kimi hiss etməyimə şərait yaratdılar”.
Renaldo Sefas dünən “Qarabağ”la 3 illik müqavilə imzalayıb. Ağdam təmsilçisi Sefasa görə onun klubu olmuş “Pari NN”ə (Rusiya) 1 milyon avro təzminat ödəyib.