“Barselona” “Mançester Siti”nin yarımmüdafiəçisi Bernardo Silvanın transferinə ümidini itirməyib.
İdmanxeber.az-ın məlumatına görə, portuqaliyalı futbolçu gələcəyi ilə bağlı yekun qərarı dünya çempionatından sonra verəcək. Onun əsas prioritetlərindən birinin “Barselona” olduğu bildirilir.
Kataloniya klubu maliyyə imkanlarını nəzərə alaraq transfer planı hazırlayır. Futbolçunun agenti Jorje Mendeş də prosesdə fəal iştirak edir.
Tərəflər arasında əlaqələrin davam etdiyi qeyd olunur.

