Dünya futbolu

Dadaşov qol vurdu, “Şalke” qələbə qazandı

 Almaniyanın Qərb Regional Liqasında 28-ci turun oyunları keçirilib.

İdmanxeber.az-xəbər verir ki, millimizin hücumçusu Rüfət Dadaşovun formasını geyindiyi “Şalke” klubunun ikinci komandası növbəti matçına çıxıb.

Komanda doğma meydanda “Vuppertaler”lə qarşılaşıb. Futbolçumuzun komandası bu oyundan qələbə ilə ayrılıb – 1:0.

R.Dadaşov da bu görüşün iştirakçısı olub. O, start heyətdə meydana çıxıb və sonadək oynayıb. Yeganə qolu da 38-ci dəqiqədə azərbaycanlı futbolçu vurub.

“Şalke”nin ikinci komandası hazırda 39 xalla 18 kollektiv arasında 9-cu pillədə qərarlaşıb.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43