“Bayer” klubunun yarımmüdafiəçisi Florian Virts “Liverpul”a keçməyə yaxındır.
İdmanxeber.az-ın məlumatına görə, İngiltərə klubu 22 yaşlı alman futbolçu üçün 130 milyon avro təklif edib ki, bu da klubun tarixində rekord transfer ola bilər. Futbolçu “Bavariya”, “Mançester Siti” və “Real”ın marağına baxmayaraq, mersisaydlılara qoşulmaq istədiyini bildirib.
2024/25 mövsümündə Virts bütün turnirlərdə 39 oyun keçirib, 16 qol vurub və 14 məhsuldar ötürmə edib. Onun transfer dəyəri 140 milyon avro olaraq qiymətləndirilir.