Almaniyada “Bayer”ə uduzan “Atletiko” Madriddəki cavab oyununa ciddi itki ilə çıxacaq.
İdmanxeber.com-un məlumatına görə, İspaniya nəhənginin kapitanı Qabi Fernandez Leverkuzendəki matçda sarı kart alaraq cəzalı duruma düşüb.
Qarşılaşmanın 60-cı dəqiqəsində rəqib futbolçu Lars Benderin dizinə zərbə endirən Qabi sarı vərəqə ilə cəzalandırılıb. Bu, onun cari mövsüm turnirdə aldığı üçüncü sarı vərəqə olub.
Qeyd edək ki, Tiaqo da qırmızı vərəqə aldığına görə, cavab matçını buraxmalı olacaq.