Avropa Liqasının qrup mərhələsində bu gün Bakıda keçiriləcək “Qarabağ”-“Düdelanj” oyunu ilə əlaqədar Bakı metrosu gücləndirilmiş iş rejimində çalışacaq.
Bu barədə “Bakı Metropoliteni” Qapalı Səhmdar Cəmiyyətinin mətbuat xidməti məlumat yayıb. Bildirilir ki, qarşılaşmanı arenadan canlı izləyəcək tamaşaçılar 00:30-a qədər metropolitenin “Gənclik” stansiyasına daxil ola və qatarlarla mənzil başına çata bilərlər.
Digər stansiyaların girişi adi iş vaxtı qaydası ilə saat 00:00-da bağlanacaq.
Tofiq Bəhramov adına Respublika stadionunda keçiriləcək qarşılaşma saat 21:55-də başlayacaq.