DÇ-2018-in seçmə mərhələsində keçiriləcək Çexiya – Azərbaycan oyunu öncəsi təmsilçilərimizin iştirakı ilə olacaq mətbuat konfransı və açıq məşqin vaxtı açıqlanıb.
İdmanxeber.com-un AFFA-nın saytına istinadən verdiyi xəbərə görə, bu gün baş məşqçimiz Robert Prosineçki mətbuat nümayəndələrinin önünə çıxacaq.
Xorvatiyalı mütəxəssis Bakı vaxtı ilə saat 22:15-də jurnalistlərin suallarını cavablandıracaq. Saat 22:45-də isə yığmamızın ilk 15 dəqiqəsi mətbuat üçün açıq olan məşqi start götürəcək. Mətbuat konfransı və açıq məşq Ostrava şəhərindəki Vitkovitse stadionunda keçiriləcək.
Qeyd edək ki, Çexiya – Azərbaycan oyunu sabah Bakı vaxtı ilə saat 22:45-də başlayacaq.