Cənubi Koreya çempionatının 9-cu turunun oyunları keçirilib.
İdmanxeber.az-ın məlumatına görə, Azərbaycan millisinin üzvü Anton Krivostyukun formasını geyindiyi “Tedjon Xana Sitizen” səfərdə “Çonbuk Motors” klubunun qonağı olub.
Görüş qonaqların 2:1 hesablı qələbəsi ilə sona çatıb. Millimizin futbolçusu Krivotsyuk da oyunun iştirakçısı olub. Əsas heyətdə meydana çıxan Anton maçtın 51-ci dəqiqəsində komandasının ilk qolunu vurub.
O, sona qədər meydanda qalıb.
“Tedjon Xana Sitizen” 9 oyundan sonra 17 xalla 3-cü pillədə qərarlaşıb.