Arsen Vengerə PSJ-də yeni vəzifə veriləcək.
Ötən mövsüm “Arsenal”dan ayrılan fransız baş məşqçi Arsen Venger karyerasını PSJ-də davam etdirə bilər. Fransa mətbuatının yaydığı xəbərə görə, Paris təmsilçisi təcrübəli mütəxəssisə klubda idman direktorluğu vəzifəsini təklif edib. A.Vengerin bu təklifə müsbət yanaşdığı və tərəflərin yaxın günlərdə razılığa gələcəyi bildirilib. Xəbərdə PSJ rəhbərliyinin Arsen Vengerin vəzifəyə gətirlməsi təqdirdə 19 yaşlı gənc oyunçu Mbappenin də gələcək karyerasına müsbət təsir edəcəyini düşündüyünü qeyd edilib.
Qeyd edək ki, son vaxtlar Arsen Vengerin karyerasını Çin Liqasında davam etdirəcəyi barədə xəbərlər çıxmışdı.