Dünən Azərbaycan mətbuatında “Qarabağ” və “Qalatasaray” klubları arasında yoldaşlıq görüşü keçiriləcəyi ilə bağlı məlumat yayımlanmışdı.
İdmanxeber.com qafqazinfo-ya istinadən xəbər verir ki, iki klubun martın 29-da Bakıda üz-üzə gələcəyi deyilirdi.
“Qalatasaray” klubunun mətbuat xidmətinin rəhbəri Alper Mert “Qafqazinfo”ya açıqlamasında bunları deyib: “Bəli, belə bir matç nəzərdə tutulub. Hazırda danışıqlar gedir. Oyunun olma ehtimalı yüksəkdir. Fikrimcə, bu qarşılaşma Bakıda baş tutacaq”.