“Real”ın sabiq futbolçusu Antonio Kassano xarici mətbuata müsahibə verib.
İdmanxeber.az-ın məlumatına görə, italiyalı sabiq futbolçu Madrid klubuna baş məşqçi məsləhəti görüb. O, Karlo Ançelottinin mümkün ayrılma ehtimalının ardından həmyerlisi Lusiano Spalettini namizəd göstərib:
“Onun “Napoli”də daha çox şey edə biləcəyini düşünmürəm. Başqa bir kluba mümkün keçiddən danışsaq, Spalettinin futbola baxışını reallaşdıra biləcək yalnız bir komanda var – “Real”. Madrid klubu Ançelotti ilə vidalaşsa, onu gətirəcəyinə mərc edərəm.
Spaletti İtaliyada “Yuventus”a getməyəcək. A Seriyasında siz onu ancaq “Milan”da və ya “Fiorentina”da görə bilərsiniz”.