Bu gün Çempionlar Liqasında 1/4 final mərhələsinə yekun vurulub.
İdmanxeber.com-un məlumatına görə, son oyun günündə baş tutan iki qarşılaşmadna sonra bütün yarımfinalçılar bəlli olub.
"Santyaqu Bernabeu"da "Atletiko" "Real"ın qonağı olub. Matçın taleyini bir qol həll edib. Çikarito 88-ci dəqiqədə toru silkələməklə Madrid klubunu yarımfinala daşıyıb.
"Yuventus" isə Fransada "Monako" ilə üz-üzə gəlib. İlk görüşdə minimal hesablı qələbə qazanan "qoca sinyora" cavab matçında qapısını toxunulmaz saxlayaraq növbəti mərhələyə yüksəlib.
22 aprel
Çempionlar Liqası, 1/4 final, cavab oyunları
23:45 "Real" – "Atletiko" 1:0
Qol: Çikarito, 88
Qırımızı vərəqə: Arda, 76
Baş hakim: Feliks Brix (Almaniya)
Madrid. "Santyaqo Bernabeu" stadionu.
İlk oyun: 0:0
23:45 "Monako" – "Yuventus" 0:0
Baş hakim: Uilyam Kollam (Şotlandiya)
Monako. "Stad Luis II" stadionu
İlk oyun: 0:1