UEFA tərəfindən Azərbaycan klublarına ötən il ayrılıan maliyyə vəsaitinin məbləği açıqlanıb.
İdmanxeber.com-un məlumatına görə, qurumun ötən il üçün hazırlanan hesabatında qeyd olunub ki, klubların Çempionlar Liqası və Avropa Liqasındakı çıxışı ilə əlaqədar və digər layihələrə görə UEFA tərəfindən ayrılan maliyyə vəsaitləri AFFA-nın hesabına və müvafiq olaraq AFFA tərəfindən klubların hesabına köçürülüb.
Təbii ki, ötən il Azərbaycan çempionu olaraq ÇL-ə vəsiqə qazanan və AL-də qrup mərhələsində çıxış edən “Qarabağ” ən çox vəsait alan klubdu. Ağdam təmsilçisi 4 milyon 888 min 980 manat qazanıb.
“Neftçi” və “Qəbələ” Avropa Liqasında, “Rəvan” UEFA Gənclər Liqasında çıxışına görə pul alıb.
Ümumilikdə siyahı aşağıdakı kimidi:
1. Qarabağ – 4.888.980 manat
2. Qəbələ – 3.639.975 manat
3. Neftçi – 293.854 manat
4. Rəvan – 29.853 manat
Cəmi: 8.852.662 manat