Bu gün Azərbayan Premyer Liqasının 2015/2016 mövsümünə yekun vurulacaq.
İdmanxeber.com-un məlumatına görə, 36-cı turun bütün oyunları bu gün keçiriləcək.
Turnir cədvəlinin 3-cü pilləsində qərarlaşan “İnter” öz meydanında “Zirə”ni qonaq edəcək. “Bankirlər” qələbə qazanmaqla çempionatın bürünc medallarına sahib olacaqlar.
Turun digər matçı Gəncədə keçiriləcək. Burada “Qəbələ” “Kəpəz”lə qarşılaşacaq. Bu matçda qalib gələn komanda Bakıda “İnter”in xal itirməsinə ümid edəcək ki, üçüncü pilləni ələ keçirsin.
Bayılda “Rəvan” “Xəzər Lənkəran”ı qəbul edəcək. Turnir cədvəlinin zirzəmisində qərarlaşan Lənkəran klubu qələbə qazanmaqla “Rəvan”ı keçəcək.
Digər oyunlarda “Neftçi” “Sumqayıt”, “Qarabağ” AZAL-la qarşılaşacaq.
Premyer Liqası
XXXVI tur
20 may (cümə)
17:00. “Rəvan” – “Xəzər Lənkəran”
Hakimlər: Ramil Diniyev, Munis Abdullayev, Elgün Adıgözəlli, Elvin Əsgərov
AFFA nümayəndəsi: Şaiq Həmidov
Hakim-İnspektor: Məhəmməd Məmmədov
“Bayıl Arena”
17:00. “Kəpəz” – “Qəbələ”
Hakimlər: Rəhim Həsənov, Vaqif Musayev, Namiq Hüseynov, İnqilab Məmmədov
AFFA nümayəndəsi: Nüvər Xasıyev
Hakim-inspektor: Füzuli Nəcəfov
Gəncə şəhər stadionu
17:00. “İnter” – “Zirə”
Hakimlər: Fariz Yusifov, Elman Musayev, Knyaz Əmiraslanov, Fərid Məmmədov
AFFA nümayəndəsi: Vaqif Davudov
Hakim-inspektor: Gülağa Cabarov
“İnter Arena”
19:00. “Qarabağ” – AZAL
Hakimlər: Ömər Paşayev, Zeynal Zeynalov, Akif Əmirəli, Rəvan Həmzəzadə
AFFA nümayəndəsi : Ramiz Mustafayev
Hakim-inspektor: Məlik Həsənov
Suraxanı qəsəbə stadionu
19:00. “Sumqayıt” – “Neftçi”
Hakimlər: Rauf Cabbarov, Nahid Əliyev, Cavanşir Yusifov, Ramil Əhmədov
AFFA nümayəndəsi : Ramiz Abdullayev
Hakim-inspektor: Xaqani Məmmədov
Mehdi Hüseynzadə adına Sumqayıt şəhər stadionu