Canluici Donarumma “Milan”la müqaviləni artırmaq qərarına gəlib.
İdmanxeber.com-un məlumatına görə, bu barədə “Cadena Cope” məlumat verib.
Lakin yeni sözləşməyə “Real”a 2018-ci ilə transfer edilmə bəndi salınacaq.
Məlumata görə, gənc qapıçı gələn il “Milan”dan getmək fikrində qalır. Bu bənd “Real”a gələn yay transferi həyata keçirməyə yardım edəcək.
Xatırladaq ki, bir müddət əvvəl təzyiqlərdən sonra qapıçının agenti Mino Rayola müştərisiylə gənclər arasında Avropa çempionatından sonra görüşəcəyini bildirmişdi.